【你只是在演繹別人眼中的你】阿卡西紀錄解讀個案分享/客人好評⠀⠀

你現在喜歡的，是否真的是你真正的喜歡?

你常跟朋友同事出去吃喝玩樂，真的是樂於投入其中，還是只是因為別人告訴你「不要收埋自己」，要多出來認識新朋友?

你工作順利，收入豐厚，在親戚口中的你「好生性好長進」，父母以你為榮，但，你真的喜歡現在的工作嗎?還是你只是在演繹「成功的人生」?

你的另一半有車有樓有事業，是眾人眼中的筍盤，別人告訴你，身邊的朋友告訴你遇見他是你的福氣，但跟他在一起，你快樂嗎?你能自由自在的做自己嗎?

從小時候開始，我們便被教育成社會想要我們的模樣，我們又有多久，去問問自己是誰?真的快樂嗎?

還是每天都活得筋疲力盡，把自己榨乾，但仍然天天「笑面迎人」?

漸漸的，你甚至自己都不再覺得，亦沒有勇氣去尋找去接受，原來你也可以有跟現在不一樣的生活。

今次的案主，在阿卡西紀錄中，重新看見，原來家人是多麼的愛自己，支持自己，可以讓他做真正的自己，最重要是，讓案主找回可以成就真正自己，愛自己的勇氣，釋放舊有的傷痛，解開已經不再需要的枷鎖。

多謝你咁耐心有心機幫我做呢個阿卡西嘅療愈，我開初都半信半疑。以前嘗試過好多方法，都冇辦法打開自己嘅內心去面對自己嘅心結，就算屋企人/情人/朋友都唔可以。

有kennis你帶領我做呢個新嘗試，真係好神奇嘅體驗。我完全唔需要多講任何嘢，我原生家庭嘅環境，在感情中嘅角色，都會真實反映到出嚟。當我可以用旁觀者角色去反觀自己嘅時候，發現自己鑽咗好多牛角尖，感受唔到其實我屋企人係好愛我，錯過好多唔啱嘅人係要提醒自己要勇敢做返自己。

好感激喺Kennis嘅幫助下，我成功敢面對我父親突然離開嘅傷痛，我終於可以回憶起關於佢嘅事情，可以同佢他講返我一直想講嘅說話。我好相信我聽到嘅說話，真係嚟自於我爸爸，因為同樣嘅說話，佢在生都一直和我強調過。

呢一次係我遇過最高效嘅療愈，我相信我有信心和勇氣去踏出第一步行自己想行嘅路，所有嘅信息都係提醒我要自愛，勇敢和保持自己嘅優點。我會放低自己嘅框架同對自己嘅否定，同過去嘅自己和解。

感恩遇到溫暖又善良嘅Kennis，佢嘅正能量深深令我都想成為同佢一樣自信樂觀嘅人，期待之後可以喺不同嘅課程繼續提升自己，身心靈越嚟越好，多謝Kennis。💐

【你只是在演繹別人眼中的你 】阿卡西紀錄解讀個案分享/客人好評⠀⠀