臼井靈氣同學好評及分享：恐懼很多時是來自於「不了解」

我好感恩自己啱啱踏上身心靈嘅時候就遇到你，甚至喺你度學靈氣同埋直覺塔羅。

喺學靈氣之前，我只係聽過但完全唔知咩係靈氣，而且對靈性上嘅嘢一直都有好大嘅恐懼，好怕自己係咪搞緊啲怪力亂神嘢，加上坊間對呢啲嘢褒貶不一，但內心又一直有想喺身心靈呢方面探索嘅渴望，導致自己一直有喺度掙扎學唔學好，好彩最終都係聽番自己內心嘅聲音選擇去擴闊自己嘅視野，去嘗試了解咗先再決定繼唔繼續。

學靈氣嘅時候的確打開咗我嘅視野，以為會好we won ，估唔到係咁落地😂😂😂你亦好識得因材施教，每次上堂除咗學識點用靈氣，亦喺待人處事上學得到好多。最深刻嘅係你對我嘅分享中講嗰句：「人地未提出自己需要幫忙嘅時候，就算你覺得對方需要有呢個都好，都唔好自己走去俾意見人。」呢句說話令我覺察到自己有時會為咗想幫人，忽視對方嘅需要，亦令自己明白到幫助呢樣嘢係雙向嘅，需要雙方都接受同願意嘅情況下先會做到。而且，就算喺我地眼中人地呢個選擇未必係好嘅都好，我地都要尊重番人地嘅選擇同埋生活方式。

可以喺初中級靈氣班度俾我接觸得到身心靈有趣且落地嘅一面，真係令我有點大開眼界。

你亦好識得因材施教，唔係就咁跟著個教材黎教，真係非常推薦所有對身心靈有興趣嘅人都去報名參加！